Desaroyo mundial ta obliga nos pa enkamina e proseso pa modernisa

Nos pais ta para dilanti un reto den kual lo bai tin hopi desaroyo  den e sektor ekonómiko den kual lo kondusí na diferente kupo di trabou.

Teniendo kuenta ku mundialmente teknologia ta avansá i ta drentando dia pa dia den e sektor laboral. Esaki sigur ta un aspekto importante pa nos tene kuenta kuné pa asina trata di kana mas pareu posibel ku e desaroyo mundial.

Den wikènt último mi asistí na e konferensia di Future of Work (FoW) organisá pa ministerio di SOAW i Konseho Sosial Ekonómiko(SER). Durante di e konferensia aki a trata diferente aspekto di FoW a base di e dekreto di ILO. Durante di e konferensia aki tabata tin diferente orador ku a hiba palabra den kual a trese dilanti kon nan ta mira e desaroyo aki I kon nos komo pais mester atendé ku esaki. Futuro di Trabou ta bini dor di desaroyonan mundial den mundu industrial i teknológiko kaminda aparato ta remplasá trabou kual hende Tabata hasi. Esaki ta sosodé dia pa dia mas tantu.

Pa nos sigur loke ku sigur a Sali na kla FoW ta un asuntu nashonal i ku mester haña prioridat pa loke ta desaroyo di nos pais. Motibu di su importansia ta ku esaki tin efekto riba futuro di trabou i ku ta mishi ku e trahadó. Loke ta nifiká ku komo representante di pueblo nos mester sa kiko ta e maneho direkto ku gobièrnu ta bai hiba pa e kambio aki resultá den kambio positivo pa nos komunidat.

Pa nos esaki sigur ta nifiká kambionan ku nos tin ku hasi den nos Sistema di edukashon, tipo di formashon ku nos ta duna i sigur pa esaki ta konektá na nos merkado laboral.

Pa loke ta e klase trahadó e kambionan mundial kual ku nos tambe ta forma parti di dje mester ta basa riba “Desent Work”. Trabou kaminda e persona ta traha mirando futuro di su mes komo trahadó. Den un palabra Future of Work no ta nifiká ku e trahadó ta bai pèrdí òf di un otro manera trata. Future of Work ta simplemente kambionan ku ta bini a base di desaroyo mundial teknológiko.

 

 

Comments

comments