Deportivo Nacional victorioso den prome wega di campeonato Division Honor

E campeonato di Division Honor 2018/2019 ta yegando su final, diaranson anochi RCA a topa cu Deportivo Nacional. Den un wega cu ambos ekipo a busca di trempan pa habri e marcado, na final Deportivo Nacional a bay cu e victoria di 3-1 contra di RCA. E siguiente wega lo ta diasabra anochi den stadion Guillermo Prospero Trinidad na Dakota.

Deportivo Nacional tabata sa cu un victoria ta hopi importante den e formato di e final aki. Nan a sali manera mester a sali, asina Dreyer Bracho, coach di Nacional a expresa. Nan a topa un RCA hopi duro, pero asina mes nan a bay dilanti den e prome tempo.

Deportivo Nacional victorioso den prome wega di campeonato Division Honor

Deportivo Nacional victorioso den prome wega di campeonato Division Honor

Posted by 24ora on Thursday, June 13, 2019

E ekipo a haci loke nan mester a haci cu tabata presiona RCA y kita nan structura di wega cu tabata mas tanto memey. Asina Deportivo Nacional a haya un chens y a probecha, pasobra a traha pa probecha di tur chens chikito cu haya. “Nos sa cu den final e ta hopi chikito e chens cu nos ta haya”, el a expresa.

Deportivo Nacional ta contento cu e victoria, pero ainda mester sigui traha. Nan sa cu lo topa un RCA hopi duro diasabra. Si Deportivo Nacional kier bay cu e copa, nan mester bin mas duro cu RCA pa por bay cu e triunfo.

Sin e fanaticonan cu ta bin apoya Deportivo Nacional, e ekipo no por haci nada. Deportivo Nacional ta sinti e apoyo di fanaticonan y pa no laga nan na caya, ta percura pa duna mas di nan riba tereno. Deportivo Nacional ta invita fanaticonan pa yega diasabra anochi na stadion Guillermo Prospero Trinidad y apoya nan.

Comments

comments