Deporte Escolar 2019 organisa pa IBiSA a kibra tur expectativa

IBiSA den luna di januari a organisa e prome actividad escolar individual cu un inscripcion di 613 studiante.

Disciplina deportivo tabata Atletismo y por bisa cu e la cuminsa cu bon pia. Un total di 16 scol a wordo representa durante e competencia escolar tambe un tribuna yen di mayornan y docente apoyando e muchanan durante e competencia di Atletismo Escolar.

E competencia escolar a wordo reparti den dos dia di competencia e prome dia tabata pa e masculino cu un total di 231 atleta y e siguiente dia femenino cu un total di 194 atleta y prome 15 ganadornan absoluto ta clasifica pa final. Structura di e competencianan escolar e aña aki ta cu mira pa Olimpiada Escolar 2019 cu ta bai tuma lugar den luna di mei – juni. Detalles di programa ta bai wordo menciona durante e dianan nos dilanti.

Volleybal Escolar masculino cu a clasifica

Durante januari pa februari a tuma lugar otro serie di deporte den equipo cu ta volleybal masculino di scol basico. Scolnan manera S.B. Washington, Prinses Amalia BASIS SCHOOL, Cacique Macuarima, Colegio Conrado Coronel, Pius X School, Colegio Sagrado Curason y S.P. Kudawecha. E scolnan tabata tin un competencia di cu a dura dos dia unda Prinses Amalia BASIS SCHOOL, Colegio Conrado Coronel, Colegio Sagrado Curason y S.P. Kudawecha a clasifica pa e hunga wega di final durante Olimpiada Escolar.

Manera ta wordo menciona Deporte Escolar ta activo cu torneonan di temporada largo. Deportenan di Volleybal femenino y Basketbal masculino ta e Disciplina deportivo cu ainda ta ser hunga pa asina clasifica pa e Olimpiada Escolar 2019.

Basketbal Escolar scolanan competencia

Scolnan cu ta hungando e torneo di Basketbal masculino pa scol avansa ta Maria College, Colegio San Augustin, EPB Hato, SPO Savaneta, Colegio Oranjestad, International School, Colegio San Nicolas, Colegio San Antonio, EPB San Nicolas, Filomena College y Ceque College.

Scolnan cu ta hungando e torneo di Basketbal masculino pa scol basico ta S.B. Washington, Sint Franciscus College, S.P. Kudawecha, Pius X School, Prinses Amalia Basisschool, Maria Goretti College, Colegio San Hose y Santa Famia School. Den e Disciplina aki e prome 4 scol basico y scol avansa ta bai Olimpiada Escolar 2019.

Volleyball Escolar scolnan competencia

Scolnan hungando e torneo di Volleybal femenino di scol basico ta Bon Bini College, S.P. Kudawecha, Pius X School, Prinses Amalia Basisschool, Cacique Macuarima, Santa Famia School y Colegio Sagrado Curason.

Scolnan hungando e torneo di Volleybal masculino di scol Avansa ta Colegio San Nicolas, Filomena College, Maria College, Colegio San Augustin, Juliana School, Abraham de Veer School, La Salle College, Colegio Oranjestad, Colegio San Antonio y E.P.B. San Nicolas. Den e Disciplina aki e prome 4 scol basico y scol avansa ta bai Olimpiada Escolar 2019.

IBiSA aparte di e datos nan menciona ta organizando ainda nan competencianan ariba e calendario escolar cu ta Futbol di sala y Futbol pa scol basico femenino y masculino, Softbal pa scol avansa, Dam pa scol básico y avansa, 1-2-3K pa scol básico.

Pa mas informacion di Actividad nan escolar of otro evento nan cu IBiSA ta organisa y of ta colabora durante aña por hasi esaki atrabes di nos Facebook: IBiSA Aruba.

JD/KD/PP

Comments

comments