Departamentonan di gobierno a ricibi mas informacion di proceso di e-Government

286

Diahuebs Prome Minister President Evelyn Wever-Croes a reuni virtual cu director- y hefenan di Departamento di Gobierno di Aruba pa duna un update di e proceso di e-Government. E proyecto importante piloto di e interoperability platform yama Conexion a cuminsa den januari 2021 y lo tin un duracion di 5 luna.

Cybernetica, un compania di Estonia, lo implementa e plataforma di interoperabilidad pa pais Aruba. Cybernetica a traha e plataforma exitoso pa Gobierno di Estonia.

Comienso di e proyecto piloto di Conexion ta un resultado di mas di 2 aña di trabao y analisis extenso haci door di varios comision, experto y ekipo di e-Government di Futura. e-Government ta mas cu un plan strategico di Gobierno di Aruba, e ta un cambio esencial den manera di traha y un cambio crucial den manera di pensa. E cambionan cu ta biniendo ta indispensabel pa un miho maneho di Gobierno di Aruba.

Departamentonan di gobierno a ricibi mas informacion di proceso di e-Government

Departamentonan di gobierno a ricibi mas informacion di proceso di e-Government. Click e link pa mas https://24ora.news/3swbAFx

Posted by 24ora on Friday, January 15, 2021

e-Government lo trece beneficionan grandi no solamente pa e ministerionan di Gobierno pero tambe na comunidad, sector priva, un pilar central den e masterplan di recuperacion y resiliencia ‘Reposicionando e Rumbo di Nos Pais’, e ta e comienso di un transformacion total di Gobierno. 

Minister President Evelyn Wever-Croes a felicita cada un di e participantenan, servidonan publico di pais Aruba y a enfatisa di ta consciente cu lo ta enfrentando retonan nos dilanti y e esfuersonan maximo cu tur ta dunando pa e bienestar di nos comunidad.

Varelie Croes, Chief Innovation Officer di Aruba, a mustra e pasonan haci den e trayecto di e-Government for di augustus 2018 te cu awor. A enfatisa algun punto importante den e road map di e-Government y e retonan actual.

A mustra tambe e diferencia si keda den e situacion actual y ora logra e metanan di e-Government cu un manera di pensa nobo. E vision di e-Government ta: “Den 2030, Gobierno di Aruba ta un Gobierno pro-activo cu ta anticipa e necesidad di e ciudadano”.

Guido Picus, e-Government program lead, a splica kico ta Conexion: interoperability platform pilot. Conexion ta basa riba e tecnologia Xroad uza pa Gobierno di Estonia.

E departamentonan di Gobierno cu ta CENSO, OM, DIMAS, KPA y IASA lo participa den e prome proyecto piloto cu varios meta:

–           Intercambia data na un manera sigur.

–           Test y implementa servicionan digital.

–           Facilita entrenamento na trahadonan publico.

Lo implementa den e secuencia di instala e plataforma, diseña e servicionan y entrena trahadonan. Den e proximo lunanan lo tin mas informacion con e proceso di e-Government ta andando.