Departamento di Salud Publico lo bay ta activo den e temporada di Carnaval

307

Carnaval a cuminsa y departamento di Salud Publico ta severo, cu principalmente e temporada aki tambe.

Segun Yvette Geerman, hefe di e seccion di hygiena, Departamento di Salud Publico lo keda ehecuta nan funcion manera cu ta haci den e temporadanan aki y durante henter aña. Lo bay cuminsa controla durante e ruta di e paradanan cu si tur localidad cu ta bende cuminda of bebida, cu nan ta cumpli cu reglanan di ley y tambe e carchi berde y tambe locual ta e parti di cuminda, con nan ta anda cun’e.

Diasabra awo lo bay ta e prome actividad di parti di carnaval cu ta cuminsa. Departamento di Salud Publico lo bay ta riba caya. Lo bay haci nan control. Ta haci un suplica na tur vendor, tur esnan cu ta bende cuminda, wak pa boso papelnan ta na ordo, den tur sentido, loke ta e carchi di salud. Nan sa caba cu carnaval tey. Ni cu awo ta bay saca e carchi pasobra ta laat. Solamente cu tin nan carchi di salud, nan por tey pa bende cuminda y loke ta reglanan di higiena, keda mantene e reglanan aki. Loke ta e limpiesa, e temperatura, e parti di labamento di man cual ta hopi importante.

Pa nan tin nan jug cu awa pa nan laba nan man, serbete pa seca man y ehecuta tur forma mas higienicamente cu ta posibel den e temporada aki.

Incumplimento

Geerman a menciona cu si no tin e carchi di salud, ta algo contra ley. E ora eynan caba un sancion lo por cay. Tin cooperacion cu Cuerpo Policial y hunto cu nan, nan ta na altura y si bo no ta cumpli e ora ey, bo tin cu sali for di parada. Esnan cu no ta cumpli cu reglanan di ley y higiena, nan no mag di bende nan cuminda e ora ey.

Control durante actividadnan

Departamento di Salud publico lo tey den tur actividad di carnaval. Unda cu tin bendemento di cuminda y bebida, e departamento tey pa por controla pa loke ta higiena y salud publico. Nan tey pa proteha nos comunidad eyfo, pa pueblo por sa cu nan por garantisa con e forma di bendemento di cuminda y bebida cu lo bay, lo ta den e forma corecto y evita cu hendenan por bira malo.

Wardamento di cuminda

E wardamento di cuminda ta keda hopi importante. E temperatura ta keda hunga un rol. Con nan ta warda e cuminda a base di e temperatura, con nan ta manipula e cuminda, e forma con nan ta prepara e cuminda. Tur eseynan ta keda importante. Ta keda duna informacion. Esey ta e rol di Departamento di Salud entre otro. Nan por acerca Departamento di Salud publico, yama nan, y nan tey pa duna conseho. Lo bay duna conseho tambe den prensa. Ta bay ta keda activo den e temporadanan aki y ta keda pone enfasis.

Cada actividad nan lo sinta hunto cu SMAC y e stakeholdernan, e ora sa caba ki actividad lo bay ta. Hopi biaha ora tin un actividad, sa ken lo bay bende cuminda. Si tin por ehempel un eleccion di reina, actividadnan chikito, ta acerca esnan cu ta bay bende cuminda den e dianan ey, pa nan sa caba e rekisitonan ey. Ta duna tur e puntonan di atencion cu nan tin cu cumpli cu nan, pa asina cu ora bay haci inspeccion tur cos ta na ordo.