Departamento di Asuntonan Social: Nos kier claridad

Departamento di Asuntonan Social tambe a tuma accion awe pa loke ta trata e 12.6%. Enid de Kort, a comenta cu nan a traha hopi duro durante di e pandemia. Nan tabata un departamento escencial, cu no no a cera y a sigui traha.

Awe nan a sali pa motibo cu nan kier claridad. Enid de Kort, trahado di D.A.S ta haci e pregunta ta si ful Aruba a entrega of ta ambtenaar so? Tambe, kico e ‘nadere orde’ kemen?

De Kort a menciona cu nan ta keda bay atras tanto na beneficio como tambe na salario, a yega tempo pa sinta na mesa y dialoga. Nan kier sa kico lo sosode y cu nan lo haya. E empleadonan ta conciente cu Aruba tin hopi debe, e comprension tey. Nan a cansa y tin hopi pregunta;

Departamento di Asunto Social: Nos kier claridad

Posted by 24ora on Wednesday, December 8, 2021

1: Kico ta e perspectiva pa e aña cu ta bin
2: Tin dialogo?

Nan a sali afo pasobra nan kier claridad y negosha pasobra nan kier haya algo bek.

Durante pandemia a bin hopi mas caso y mester a atende mas hende, pues nan no a stop di traha. Nan ta mas cu 100 trahado den diferente seccion. Un biaha mas a conclui cu nan no ta contra pero nan kier dialoga cu gobierno. Un biaha mas e pregunta ta bin dilanti si ta ambtenaar so tin cu entrega of si Aruba completo mester entrega.

Brian Gietel a menciona cu hopi biaha ta tende cu ambtenaar tin bon salario, lubidando cu ya nan a entrega caba. Aunke a haya esaki den algun dia liber, nan a bay atras den salario. El a menciona tambe cu e schalering ta mas di 50 aña bieu. E casonan na D.A.S a bira casi dobel y asina mes nan operacion a sigui normal. Ningun dia nan a cera, otro luga si.