Denzel Dumfries di Aruba a firma cu PSV na Hulanda

E ekipo di futbol PSV di Hulanda a fortalece cu Denzel Dumfries di Aruba. E defensor di 22 aña di edad ta bin for di SC Heerenveen y a firma un contracto den e stadion di Philips cu ta conect’e cu PSV te na zomer di 2023. “Mi ta sinti mi mes fantastico.”

Talento di aña

Denzel Dumfries (Rotterdam, 18 di April 1996) ta cuminsa cu su di tres aña den “Eredivisie” e proximo temporada. E Jong Oranje-International, educa pa Sparta Rotterdam, unda cu na 20 di Februari 2015 a cuminsa cu su carera futbolistico profesional. Convirtiendo den un hungado basico, el a celebra e Jupiler League cu esunnan di Rotterdam. Den e mesun temporada ey a nombra Dumfries como talento di aña. “Tempo mi a hunga cu Sparta tabatin algun contacto,” Dumfries a conta durante su presentacion. “Despues di esey, PSV a keda siguimi.”

Importante na Friesland

Despues di un temporada di debut excelente den Eredivisie cu Sparta, SC Heerenveen a asumi e respaldo zomer ultimo. Den servicio di Friesland, el a yega na 37 wega oficial, unda cu el a anota 5 biaha y a duna asistencia 8 biaha. “Mi tabatin un aña fantastico na Heerenveen, pero e imagen cu PSV a schets tabata esun corecto,” Dumfries a reacciona, kende na principio di diamars, 19 di Juni, a completa su inspeccion cu exito.


“Candela”

Despues, Dumfries a papia di su traslado pa e stadion Philips. “Mi ta sinti mi mes contento. PSV ta un gran club cu un bunita stadion, unda cu den pasado hopi hungado top a sobresali. Mi a haya esaki tempo cu mi tabata mira e Club riba television. Mi a traha duro pa por ta aki y mi lo haci tur posibel pa triunfa. Kico ta spera dimi? Gana e weganan di mi oponente directo, cu ta parcemi bunita. Mi kier mustra e siguidornan e mentalidad di e ganadonan. Mi kier ta candela.”