Den un wega dramatico SV Britannia ta pasa pa final

Pa di dos biaha den un siman, SB Britannia Aruba ta bin bek despues di tabata atras den marcador y ta bin empata e wega.

ADV

Dialuna anochi tabata tin e prome wega di semifinal division junioren ora cu e pumanan di Piedra Plat/Paradera a topa cu e abehanan di Dakota den Stadion Guillermo Trinidad.
Den di prome mita Dakota ta bay ariba 2-0 y den halftime e pumanan ta bolbe saca receta magico y ta bin empata e wega na dos gol pa banda, cu golnan anota pa Britannia ta; Thionne Oduber y Francis van der Linden.

Despues di 90 minut cu e wega a keda empata a bay over na 15 minut pa banda. Despues di e 30 minut extra aki tambe e wega a keda keda empata y asina bay over na tira penalty.
Dakota ta e prome team cu a tira pinalty y pa medio di Keano Maduro (Ex Britannia) y unda e keeper di Britannia Darrel Franken ta para e penalty. Asina e buelta di penalty ta sigui y SV Britannia ta bin gana cu score di 4-2. Golnan anota pa SV Britannia Aruba pa medio di penalty ta; Stijn van Suilen, Daniel Sophia, David L. Castro y Marcus Portier.

Un pabien ta bay tambe pa SV Dakota cu tabata un digno rival y cual wega tabata digno di un gran final.Man of the match tabata Darrel Franken. Pabien na staff y e fanaticada cu a bin apoya Britannia.

Comments

comments