Den un ora di tempo a baha e prome cuatro vuelonan di Merca

1676

Caranan alegre por a mira ta sali for di facilidad di aeropuerto despues cu e prome avionnan for di Merca a aterisa na Aruba.

Den un ora di tempo a baha cuatro vuelo procedente di Merca: United Airlines for di Newark pa 1.10; American Airlines for di Charltotte pa 1.30; American Airlines for di Miami pa 2.10; y JetBlue for di Boston pa 2.12 di merdia.

Prome turistanan for di Merca saliendo di Aeropuerto rumbo pa disfruta nan vakantie

Asina nos frontera a habri pa Merca:Prome turistanan for di Merca saliendo di Aeropuerto rumbo pa disfruta nan vakantie

Posted by 24ora on Friday, July 10, 2020

Hunto nan a trece casi 500 pasahero mientras cu e total di pasaheronan cu a yega Aruba awe, te cu e ultimo vuelo, ta rond di mil persona. E ta inclui biaheronan for di e islanan Hulandes den Caribe.  Un poco despues di 3’or a yega e di cinco vuelo for di Merca (New York) cu tabata un vuelo di JetBlue.  

Na salida tabatin musica y un show carnavalesco pa ricibi e bishitantenan. Por a mira cu hopi di nan tabata contento di a yega e isla despues cu pa algun luna no por a biaha. Hopi di nan ayega cu nan famia completo y gran mayoria ta persona cu sa bishita den forma regular pa Aruba. “Nos ta contento di ta bek,” un di nan a bisa.

Na aeropuerto tabata presente representante di Aruba Tourism Authority tambe.