Den Perspectiva: Rabia y vengansa a destrui hende y vision

i10 Sedan
PPG Super Descuento
RBC Mortgage Switch Campaign 2019
SETAR 3GB Free Data den February

Rabia ta un di e virtudnan di e ser humano. Vengansa ta e secuencia di un debilidad humano den busca di un satisfaccion personal sin tene cuenta ki beneficio e tin pa humanidad. Contra e empresanan di utilidad ta coriendo un ola di rabia y vengansa sin antecedente y cu no ta delinea ningun vision.

Fabulous Carnival
Cambia, Spaar y Gana

Dia cu Gabinete Mike Eman a sinta 9 aña atras a implementa un vision riba desaroyo sostenibel cu grandi y chikito por a compronde. Den paso cu esey, energia a haña su mision cu ta mucho mas cu djis produci y entrega awa y coriente. Aunke cu na comienso tabatin cierto resistencia mas di banda di WEB cu di Elmar, den e añanan cu a sigui e tecniconan a brasa e vision, convertiendo nan mes den un centro di conocemento y experticio y hasta a tuma un paso dilanti di Gobierno como protagonista y accionista.

E mudamento di Utilities Aruba N.V. for di e edificio di Arulex pa un monumento cu cachet banda di un museo, lo no a cay e propietario di e edificio hopi bon. Menos ainda cu a cuminsa e transformacion di un skelet di oficina cu un Director y un Secretaria pa un compania, centro di tecnologia, capas pa dirigi y sostene e vision pa un Aruba berde.

Shon No Maduro, Presidente di Hunta di Supervision di N.V. Elmar

A atrae yiunan di tera cu experiencia, ambicion y amor pa traha hunto cu e companianan di utilidad den e cambio. Gobierno como accionista a scoge pa hinca e ganashinan di tur e companianan den realisacion di e vision y mision pa Aruba ta un modelo no regional so, sino hasta mundial.

E team di Utilities, WEB y Elmar durante e añanan a smelt den un forsa envidiabel pa otro paisnan, cu tabata busca sosten y conseho di Aruba pa implementa nan transformacion pa e era nobo. Companianan grandi a busca aliansa cu Aruba pa exhibi nan inventonan y tecnologia moderno.

Drs. Frank Hoevertsz, actual Director (hala un banda) di Utilities Aruba N.V.
Drs. Frank Hoevertsz, actual Director (hala un banda) di Utilities Aruba N.V.

E sincronisacion aki no a bin di un dia pa otro, sino di un empeño di e respectivo directornan y nan team di gerencia. Si na comienso ta Mike Eman y Mike de Meza tabata e protagonistanan di e mision aki, na final di e era di Gabinete Mike Eman tur instancia a brasa e desaroyo cu hopi entusiasmo, cu hopi orguyo y patriotismo. E movimiento aki no tabatin nada di politica, sino puro profesional, aunke contrincantenan politico por a mire cu envidia y rabia.

Gabinete Evelyn Wever-Croes a sinta sin anuncia un vision, sin mustra un mision, pero si cu un forsa negativo y destructivo, tanto pa e proyectonan di e companianan aki, como pa tur e exponentenan cu a conduci pa pone Aruba briya riba e mapa mundial, respeta pa e agencianan di mas grandi y renombra na mundo. Sin busca drechi pa siña algo di hedging, a bacila, pero a acept’e na comienso pa temor y despues a bula afo sin un bon argumento. A bolbe bula aden ora cu a realisa e blunder y e realisa e desaster di e mal timing. Diripiente awor si hedging ta bon.

A para tur e proyectonan cu a pone Aruba riba e mapa mundial y cu tabata reconoci hasta pa Nacionnan Uni y Gobierno Mericano. Asina a para e Green Conference, cu tabata cubri su propio gastonan. A prohibi e directornan di participa den iniciativanan internacional.

A para Green Conference, den cual a participa Vice Presidente di Merca, Rey Willem Alexander y otro celebridadnan grandi mundial.

Ora cu ningun di e actonan di destruccion aki tabata suficiente, Gabinete EWC a cuminsa kita hende. Director di Elmar, ing. Robert Henrquez tabata e prome cabes cu nan a bula cu yen di acusacionnan falso. Entre e acusacionnan tabatin pa e director por a responde pa un supuesto bom na Elmar. Ora cu e Director a pidi un aclaracion na cua bom nan ta referi, e reaccion tabata cu nan no sa, siendo cu e ta un di nan acusacionnan contra dje. Cu a kit’e cu un “golden handshake”, ta muestra cu no tabatin nada contra dje.

Caminda si nan mester tabata diligente ta den e caso di e dos empleado cu a comete desfalco grandi den NV Elmar, pero a retira esun cu a denuncia e desfalco miyonario y te ainda no a tuma ningun accion contra e dos persona cu ta bon mira den circulo di MEP. Al contrario, siman pasa a tuma nan bek na trabou, como un premio pa e corupcion y “shap den mi shap” cu nan a traha eyden!

E siguiente cu nan a manda cas ta e director di Utilities, drs. Frank Hoevertsz. Aki tambe cu yen di acusacion vengativo di no ta contento cu e gastonan cu e lo a haci. Hoevertsz tabata e exponente principal kende a pone un “dream team” hunto pa ehecuta e visionnan di Gabinete Mike Eman I y II, tanto via e canalnan tecnico como e refinanciamento bentahoso pa NV Elmar y WEB NV. Atrobe nada politico, sino un maneho puramente profesional, admira pa movimientonan tanto gubernamental como priva y rond mundo.

Nomber di Luis Oduber, e actual Director di WEB a aparece como e siguiente riba e lista di vengansa. Claro cu siendo ruman homber di Minister Otmar Oduber, e proceso ey di vengansa lo no cana facil y sin posibel consecuencia pa existencia di Gabinete Wever-Croes. Di otro banda, nos ta na altura di cartanan cu un tono basta “rabia” y “skerpi” for di e Hunta di Comisarionan di Utilities Aruba NV pa e mesun Director aki.

Dia cu a puntra Prome Minister Evelyn Wever-Croes riba e retiro di e Directornan di Elmar y Utilities, su contesta tabata cu e no sa di nada y cu ta e Hunta di Comisario lo a haci esey. Ningun hunta di comisario por tuma un decision di e indole aki sin instruccion y autorisacion specifico di e accionista; accionnan aki ta den man di e Minister encarga, esta Evelyn Wever-Croes.

Ing. Robert Henriquez, ex Director di N.V. Elmar

Despues cu a suspende Director di Elmar, Rob Henriquez, famia a apela na Xiomara Ruiz-Maduro, Minister di Finansa, siendo prima di Henriquez. Su promesa di lo para esaki no a haña ningun oido y e suspension di Henriquez a sigui cu su retiro. Tur cos ta mustra cu esun cu ta tumando tur e decisionnan vengativo aki ta tata di Prome Minister Wever-Croes.

Richard Eman, Presidente di Utilities Aruba N.V. y di Refineria di Aruba N.V.

Nuebe aña pasa Utilities Aruba N.V. a termina abruptamente su contract lucrativo di huur den Arulex Building, edificio di e tata. Hoevertsz ta esun cu a ehecuta e decision y e mester paga pe y claro cu Xiomara Ruiz-Maduro no tabatin arma pa para e retiro di su primo. E presidentenan di e huntanan di Elmar y Utilites Shon No y Richard Eman a ser mira regularmente saliendo for di cas di e tata di nos prome minister hasta na cas, como si fuera cu e ta manehando e cartera di e accionnan di tur e companianan di utilidad.

Luis Oduber, CEO di WEB Aruba N.V

Ora cu a yega turno di e siguiente victima, esta cabes di Luis Oduber, director di WEB si un otro gay a canta. Su ruman Otmar Oduber a laga su ruman y famia sa cu su mensahe na su colega Evelyn Wever-Croes tabata strak: Mishi cu mi ruman y e lo ta e final di e gabinete EWC.

Alvin Koolman, e actual CEO di Refineria di Aruba N.V.

Alvin Koolman, e director di refineria tampoco ta riba e lista positivo di presidente-comisario di UA, Richard Eman, pero Alvin tin un backyard hopi solido den partido MEP y no ta mustra cu e rabia y venganza lo yega na su porta pa causa mas danyo.

Mientras tanto tin un leegloop na Utilities Aruba N.V. E hoben experto financiero cu a trece bek Aruba, a bay traha pa un otro compania y e hefe di e oficina y curason di e empresa ta bayendo pa AIB-Bank. Cu esaki Utilties Aruba N.V. ta bek di ta e skelet di 9 aña atras.

Comments

comments

Island Finance – Carnaval