Diasabra merdia a pasa un caso serio di hincamento. Un conoci di husticia, kende den pasado a sinta castigo pa asesinato, a hinca su ruman e biaha aki. Esaki a sosode net den e area di e minimarket Chines pabou di e panaderia na Dakota. A yama polis.
Polis a yega a topa cu un homber herida cu hinca. El a declara cu ta su mesun ruman homber a hinc’e. El a uza un sambechi basta skerpi. E problema tin di haber cu placa. Un debe di 100 florin cu mester a regla. Ambulance a bay cu e persona herida. Polis a detene e sospechoso cu tabata riba trip ta bebe den Guyabastraat.
Manera a menciona e sospechoso biba den Rondweg tabata cera algun aña pa asesinato. El a tira un anochi den Havana y herida un dama inocente, kende a fayece. Remarcabel ta cu polis a keda warda como 30 minuut pa un transporte policial. Finalmente e transporte policial nunca a yega. E agentenan mes mester a hinca den e auto di patruya, e sospechoso bebi y sushi na entre otro sanger pa hib’e warda. No ta conoci si e ruman cu a haya hinca lo entrega keho.
