Si un hende bay skirbi un guia riba sobrevivencia politico, e habilidadnan di e Presidente Venezolano, Nicolas Maduro, sigur lo ta na cabes di e listanan contemporaneo. Algun luna pasa e situacion a bolter y a bira relativamente bon pa e lider aki, debi na e gueranan comercial entre Merca y China, cortamento di produccion di OPEP+ y e saga di destitucion di e Presidente Mericano.
Es mas, e debilitamento di e atencion di medionan den e contexto di un regimen maneha di sancionnan, a pusha autoridadnan Venezolano pa enfoca nan economia basa riba e mercado y tambe realisa mas esfuerso pa combati e problema principal di e nacion, e hiperinflacion. Sinembargo, un biaha mas, e eleccionnan na Venezuela ta na skina y e stabilidad fragil por ta na peliger atrobe.
Laga nos cuminsa prome cu crudo y su exportacionnan. Ora cu recupera di un serie di blackout, cortamento den produccion y candela, PDVSA a logra recupera su produccion di petroleo na nivel nunca bisto for di februari-maart di 2019 (miho bisa, e promedio di december ta mantene te cu awo na 0.91 bari pa dia). E movemento aki ta coresponde cu regreso di China na e negociacionnan oficial cu PDVSA of e intermediario Rosneft, sin recuri na e practica exotico di e mesclanan nobo di Malaysia.
E aumento di e volumen di produccion tambe ta nifica un pago mas rapido di e debenan di PDVSA: entrante e di tres trimester di 2019, e debe di NOC Venezolano cu Rosneft a reduci na 800 miyon, loke ta implica cu pa zomer di 2020, PDVSA lo absolve por completo di tur e atrasonan cu e comercialisado di crudo Venezolano principal awo.
Aunke e crudo Venezolano no ta yega Rusia den terminonan di barinan real exporta, e mayor rol di e compania petrolero nacional Ruso a señala den hopi sentido e caminda pa sigui pa PDVSA, por ta hasta contra di su propio boluntad. Mientras cu antes PDVSA tabata opera tur aspecto di e proyectonan “upstream”, su empresanan hunto cu Rosneft, Repsol, CNPC of Chevron, ta testigo di un transferencia tactico di competencia y responsabilidad na su socionan di riesgo comparti.
E aumento di e produccion di JV tin un bentaha, ta manifesta riba otro opcionnan pa PDVSA: E barinan di e capital no ta mara na sancionnan di Merca (como tambe e reembolso di debe, sinembargo efectivamente ta impedi cu Venezuela ta ricibi e fondonan cu tanto nan tin mester, sea cual sea su denominacion).
E eleccion Parlamentario di Januari 2020, por altera e tendencianan anteriormente menciona, principalmente na converti Venezuela den un tema di hopi disputa un biaha mas. E hefe di e Asamblea nacional di Venezuela, Juan Guaido, lo conta cu respaldo di Gobierno di Merca.
Ademas e enviado special di presidente Trump pa Venezuela, Elliott Abrams, a priminti di aumenta e sancionnan, pero un politica Mericano mas agresivo solamente lo trece mas cos di papia pa Maduro.
Pa dificil cu e por parce, presenta pronosticonan pa Venezuela na 2020, ta existi varios factor cu parce por pronostica un ambiente mas faborabel pa Nicolas Maduro. Na prome luga e Gobierno di Maduro a logra frena e spiral exorbitante di hiperinflacion, cu e nivel di inflacion di fin di aña pa 2019 estableciendo su mes rond di 7-8000 porciento, un diferencia palpabel, compara cu e nivel di 2018 di 130 000 porciento (IMF a anticipa e hiperinflacion riba 10 miyon di porciento na 2019).
Esaki a logra principalmente mediante un dolarisacion informal di e economia Venezolano, pa cual e moneda Mericano ta sirbi como referencia di prijsnan de facto pa e bienesnan. Asina cu PDVSA paga su debenan na Rosneft y exporta un cantidad cada biaha mas hopi di crudo pa Asia, e lo mester tin un cantidad ainda mas grandi di biyetenan berde na Venezuela.
Mientras cu Banco Central di Venezuela solamente tin divisas den efectivo pa un cantidad calcula di $7.5 biyon di dollar Mericano y cu e economia ainda ta depende den un 90% di e ingresonan di petroleo, e obhetivo primordial di Maduro ta pa sigura cu no ta interumpi e exportacionnan di crudo.
Manera a indica anteriormente, e proximo eleccion di e Asamblea nacional riba e futuro di Juan Guaido (cu lo tuma luga dia 5 di januari di 2020) por pone e obhetivo ak na peliger, si e lider di oposicion drenta e sistema parlamentario Venezolano, apesar di e detencion arbitrario di varios Parlamentario di oposicion, e limbo legal actual por sigui. Pero si Maduro tuma e delantera, Cas Blanco seguramente lo aumenta e presion riba PDVSA y tur su socionan internacional.
Despues di un aña yena cu blackout y escases di coriente, despues di cual gran parti di e capacidad di e pais no ta sirbi mas (e refineria Cardon di 310 bari pa dia, parti di e Compleho di Refineria di Paraguana, ta permanece cera te cu e dia di awe), e operacionnan di e refineria ainda ta riba un 0.21 – 0.22 bari pa dia, es decir, rond di 17% di e capacidad di refinacion agrega di PDVSA.
PDVSA a purba atraves di inversionistanan di India pa e tarea di modernisa su refinerianan, firmando un acuerdo di cinco aña cu un consorcio Indio na november, pero a resultadonan real ainda ta pa mira.
Den aña 2020, Presidente Maduro, e miho artista di sobrevivencia di nos generacion, siguramente lo enfrenta un conhunto di desafio nobo. El a regla pa elimina varios obstaculo den e ultimo 12 lunanan, aliviando e inflacion (renunciando efectivamente na su politica economico anterior), impulsando exportacion y pagando e debe di pakete manera mester ta.
E carganan di PDVSA ta mudando pa China y India, cu transferencianan di Singapore pa Togo, cabando den e mesun region cu ta complementa e bentanan directo, ademas PDVSA y Rosneft a haya un modus operandi mas eficiente cu e cargadonan di crudo.
Ainda asina, e panorama ta turbulento pa Maduro: E segmento di e refineria ta luchando pa bida, e perspectivanan a largo plazo di e upstream ta nulo sin ayudo di China, India y Rusia, ademas, por impone mas sancionnan Mericano na cualkier momento.
