Si tabata tin un caso urgente di MRI y no tin e mashin disponibel, e ora e pashent mester a wordo hiba Colombia segun director financier di Hospital..
E costonan
Theo de Kool a comenta cu e costonan di e MRI scanner y e otro aparatonan pa radiologia, ta 3.8 miyon dollar. Esey ta un parti importante di e inversion cu mester haci den cuadro cu e nieuwbouw. Hospital a inverti na e momentonan aki algo mas cu 25 miyon dollar parti den 3 aña den aparato, muebles y otro asuntonan manera IT pa e Nieuwbouw. Normalmente bisa, hospital ta inverti pa aña 5 miyon dollar. Pues e ta keda toch un suma grandi.
Hospital ta bezig ta deliberando cu AZB pa algun aña. Nan a delibera riba e meerjaar prognose. AZV sa cu na momento cu hospital haci inversionnan, cu costonan ta subi. E hecho cu nan tabata tin un MRI bieu, a costa poco. El a dura hopi. El a dura mas hopi di loke a spera y esey ta nifica cu den algun aña nan tabata tin poco costo. El a valt mee, pero esey ta nifica cu si reemplasa e mashin, cu e costonan ta subi. Esaki ta loke tabata sa di antemano. A papia cu AZV riba esey y nan tabata sa cu esaki tabata na caminda. A compronde y a bisa cu e lo bay bira bon, segun de Kool.
Proyecto di nieuwbouw
Segun director financiero di hospital Theo de Kool, e ta contento di e mudamento pa e edificio nobo a cuminsa. E prome tres afdeling ta sinta den e toren nobo y esey ta naturalmente hopi bon cu porfin el a sosode. Naturalmente ta haya algun cos cu tin cu sosode, pero no ta manera cu tin cu drenta den un cas nobo. Unico cos cu a hunga un rol, cu tin di haber cu pashent. Pesey nan tabata cuidadoso y mester a wak bon di antemano pa wak si nan por drenta den e afdeling nobo. No kier core ningun riesgo cu e pashentnan, segun de Kool.
Proximo paso pa renobacion
Tin di compronde cu planning lo bay cuminsa despues di pasco. Ta spera cu esaki lo ta na Januari. Den e proximo simannan, una bes tur afdeling a muda pa e toren nobo, haci e prome mita di e hospital bashi, e ora por traha riba dje. Pero no ta spera cu e trabaonan lo cuminsa prome cu fin di aña.
Trabao interno
Pa tin tur cos na nan luga, hopi cos ta wordo prepara. Mester a pensa riba tur cos. Naturalmente ta un situacio cu zowiezo ta otro y tin cu prepara pe pa cosnan inprevisto. Plannan di emergencia mester ta na ordo y tambe mester prepara pa cosnan cu no ta necesario. Tin hopi cos cu ta necesario. Ya ta bezig pa varios luna cu e preparacion pa adapta e sistema di IT. No solamente e sistema medico y tur nomber di afdeling mester a wordo cambia, pero tambe e sistema den cushina. Tur esey mester wordo adapta.
Retraso
Na prome instante, ta purba pa entrega e edificio na Mei. Na e momento a bisa cu lo tin mester di tres luna pa e mudamento, cual lo mester tabata na Augustus. Tabata tin algun cos cu a costa mas largo. Aparatonan cu no ta na Aruba, instalacionnan cu ainda mester a wordo aproba. Eseynan a keda cla. Si nan ta atrasa un of dos luna di retraso.
Extra trabao
Segun de Kool e placa cu mester wordo poni disponibel pa SOGA pa e inversion, tur cos cu tin mester pa e inrichting di e locacion nobo di e Intensive Care, te asina leu, a wordo hinca den e inversionnan di e hospital. E 80 miyon di loke a wordo papia den parlamento, tin di haber cu e edificio so, el a splica.
