Den casi 1 aña mas di shete mil caso positivo

852

E prome caso di COVID-19 registra tabata dia 13 di maart y te cu awe, a registra mas di shete mil caso positivo. Pa loke ta trata e cantidad di caso negativo e cifra ta mas di 93 mil. DVG ta informa cu awe 38 persona a recupera, pero a registra un total di 18 caso nobo di COVID-19, di cual 6 ta no-residente.

E cifra di no-residente positivo ta encera esunnan no-residente cu ta test na aeropuerto na nan yegada y na laboratorionan prome cu nan bandona Aruba.

E cantidad total di test ehecuta ayera na diferente localidad na Aruba, entre otro laboratorio di hospital, laboratorionan priva y aeropuerto ta 549 test. ‘Postivity rate’ entre nos residentenan ta 16%. Casonan activo p’awe ta 260, cantidad di fayecido relaciona cu COVID-19 ta 71.

Hospital ta informa cu tin un total di 20 persona interna di cual 5 ta den Cuido Intensivo y 15 riba unidad general di COVID. Edad promedio di esunnan ingresa pa extra cuido ta 63 aña.