Den un entrevista cu mr. Gerick Croes, consehero di finanza y impuesto, el a splica locual ta e aanslag como parti di nos sistema di belasting. Mas cu claro ta importante pa un y tur compronde kico esaki ta, con ta calcul’e y tambe un e placa aki ta bay. Asina el a defini un ‘aanslag’ den belasting como un cobransa di impuesto taxativo, esaki por ta un calculacion of por ta basa riba un cifra historico di bo ‘aangifte’.
Tambe Croes a splica ciu tin cierto aanslag cu ta conforme cu bo aangifte di inkomstenbelasting. E ultimo aki ta nifica cu e aanslag ta ekivalente na locual tabata reteni caba na, por ehempel, loonbelasting; confirmando pues cu e suma aki tabata paga caba, pero pa ley e aanslag aki ta tin cu ta imponi y ta p’esey ta ricibi esaki.
Croes a sigui splica cu un inspector tin un periodo pa impone un aanslag di no mas tarda cu cinco aña, e tempo aki ta mara den ley, pues si pasa e periodo aki ya caba esaki no ta conforme cu nos leynan. Prome cos cu un persona tin cu haci unabes e ricibi un aanslag ta pa controla si e suma imponi ta cuadra y ta corecto manera splica anteriormente, pues cu esaki ta solamente un formalidad cu bo belasting y primanan tabata paga y warda esaki corespondientemente.
Sinembargo, si tin un desviacion, e ora ey ta bon pa haci un controle-berekening di bo inkomstenbelasting y/of premie pa wak si esaki ta cuadra. Si esaki no ta cuadra, como ciudadano bo tin derecho di actua contra e aanslag aki.
Pa un relato mas amplio lesa edicion di TREMPAN mañan.
