Aña 2019 tras di lomba y Cuerpo Policial a presenta su cifranan pa loke ta e cantidad di accidentenan cu a sosode den trafico den combersacion cu 24ora.com.
Segun vocero policial Lito Lacle, tabatin a mas of menos 8000 dalmento pa aña. E cifranan total ta mustra cu tabatin mas of menos 12 mil vehiculo cu a accidenta.Morto den trafico aña pasa tabata ocho. Si compar’e cu aña prome tabata 10. E aña prome cu esey tabata dos morto den trafico.
Si parti’e un tiki mas, segun e vocero, ta tres pa brommer, dos cu ta auto a dal peaton y dos no a duna preferencia y uno ta e mucha homber cu a dal den e rotonde.
Percepcion
Mas mira e cifranan, tur cos ta draai rond di e comportacion di e chauffeur den trafico. Ta algo cu no tin control riba dje. Si mira e mortonan den trafico ta dificil, pasobra tres ta peaton y tres ta motociclista y dos tabata pa falta preferencia.
E ta poco dificil pa traha maneho. Pero si por traha maneho riba dje, cu tin cu bay splica tur 31 rotonde total cu nos tin na Aruba. Awor ta sacando video di nan pa por pone nan riba social media.Tur rotonde tin nan manera peculiar pa por maneha. Ta algo cu ta bezig cun’e den 2020 pa por keda cla cun’e.
Rotonde
Ta un cantidad di rotonde a keda inaugura, no solamente riba Green Corridor, pero tambe riba Watty Vos Boulevard.Segun Lacle, pueblo di Aruba ta pidi pa por splica nan mas miho. Por ehempel un paperclip rotonde tin su puntonan di atencion cun’e. Dado momento mester splica na placa chikito con pa core riba dje.E prome biaha cu bay core e rotondenan aki, tin biaha bo ta end up caminda cu bo no mester bay. Pero si mester splica y cor’e na e manera cu mester ta, no lo bay tin problema.
Programa na television
Si Cuerpo Policial tin e budget pa un programa di television, cu mil amor nan lo haci’e. Pero nan no tin presupuesto pa esey. Na maneranan creativonan nan ta graba video pa asina pasa esakinan riba social media, vocero policial, Lito Lacle a comenta finalmente.
