Den 2019 cantidad di peticion pa asilo a multiplica 7 biaha compara cu 2018

1749

E asunto di asilo aki tin su costonan pa DIMAS. Segun director mr. Kathy Ruiz-Paskel a conta, tin full un departamento nobo y e tin su gastonan cun’e. E ta sigui splica cu a nenga 98%, debi cu nan no a logra cumpli pa demostra loke e tratado ta prescribi como motibo pa cual por brinda proteccion.

No por bisa cu door di e negacionnan, cu e cantidad di peticionnan a bira menos. Den 2019, e cantidad di peticionnan compara cu 2018 a subi shete biaha mas hopi cu e aña anterior. Por a mira un aumento, cual ta trece cun’e trabaonan cu diariamente ta desplega na DIMAS, unda ta scucha e personanan y duna nan den nan idioma un contesta, cual si nan no ta di acuerdo cun’e, nan por apela.

Den 2019 cantidad di peticion pa asilo a multiplica 7 biaha compara cu 2018

Den 2019 cantidad di peticion pa asilo a multiplica 7 biaha compara cu 2018. Click link pa mas https://24ora.news/2tYcq4y

Posted by 24ora on Tuesday, January 28, 2020

Esey ta e estado di cada ciudadano cu por haci un obhecion riba dje. Esey no ta implica cu haci un bezwaar cu bo por warda na Aruba. En principio esnan cu wordo nenga, mester sali. DIMAS tin na su encargo e parti di admision y e parti di toetsing di asiel. Den e cadena di stranheria tin diferente departamento cu tin diferente tarea na nan encargo. E parti di toezicht terugkeur no ta cay bao di DIMAS. E maneho ta di Warda nos Costa, cu si topa cu nan y nan tin proceduranan ya caba cu DIMAS a cana y tin un negacion, e ora no tin ningun obstaculo mas cu e persona por wordo manda bek pa su pais di residencia.

Un sistema conhunto

Tin un bon cooperacion entre Warda nos Costa y DIMAS. Pa e parti regular Warda nos Costa tin inzage den e sistema di DIMAS 24/7. Pa locual ta e parti asilo tambe DIMAS tin nan acuerdo di cooperacion. Den 2020 ta spera cu tin un sistema acopla na otro den full e cadena di stranheria unda cu e ora no lo depende di e factor humano mas, pero cu e diferente departamentonan lo tin inzage na informacion cu nan mester, na e momento cu nan tin mester y solamente e parti cu nan tin mester. Esaki ta un proyecto grandi cu lo wordo ehecuta den 2020 y ya caba a cuminsa.

E situacion na Venezuela

E situacion no a cambia. Esey ta haci tambe cu tin no solamente pa Aruba, pero pa full e region tin un outflow di Venezolano bayendo y buscando un miho porvenir. Pa loke ta trata Aruba, esnan cu ta migrantenan economico, por haci un aplicacion normal pa por bin na remarca pa un permiso y esey lo ta evalua caso pa caso segun su merito. No por bisa cu e cantidad di peticionnan pa loke ta permiso regular a conoce un crecemento grandi den e ultimo añanan.

Por ta esaki ta debi na diferente factor. A constata den e ultimo aña cu no ta facil pa e persona cu ta bin di Venezuela, pa bin na documentonan pa e por sostene un peticion regular, entre otro paspoort ta un problema cu nan ta confronta cun’e y tambe ora cu tin declaracionnan di bon conducta, cu mester ta apostilla, no tur esaki, ora cu controla nan, ta na ordo.

Ta factornan cu por impedi e personanan cu kier drenta den e parti regular. Pero ta wak si cu Venezuela mientras tanto a yega na top 2. E ta creciendo, pero no expotencialmente por ta cu lo a spera.

Cuanto hende a haya asilo

Si bir’e un otro banda, no ta asilo. Asilo ta e peticion. Na e momento cu honr’e, e hende ta bira refugiado of tin casonan cu DIMAS a nenga e peticion pa ta refugiado. Pero a base di otro tratadonan cu Aruba ta mara na dje, manera tratado di Derechonan Humano y tratado di prohibicion di tortura, ta un toetsing cu DIMAS ta haci. E ora ta evalua si ta duna nan un permiso humanitario. Hunto esey a forma 1.8% di e total cu tin te awor aki controla, segun Kathy Ruiz-Paskel.