Demostracion di pintura di Gustave Nouel na Hulanda

Durante ‘Kunstcircuit open’ (www.kunstcircuit.nl), di 9 te 14 di september, tur sorto di disciplina di Arte lo ser presenta na Deventer, cu lesnan di nivel halto y/o demostracion di musica,  baile, teatro, arte y hopi mas. Den foyer lo tin un exposicion di algun docente/artista conosi relaciona cu Kunstcircuit…

Den foyer di ‘Kunstcircuit’, (un di e Centronan Cultural mas importante y grandi di region), e pintor Arubiano, Gustave Nouel, lo duna un demostracion/performance di pinta portret, diarazon 11 di September. E mes anochi artista Chretien Goos di Groningen lo duna un demostracion/performance di pinta ‘bodegon/stilleven’. Hunto cu artista Hajo Snater y un grupo di colega artista vincula na Kunstcircuit, e mihor alumnonan di Gustave Nouel lo hasi ‘street-sketches’ di publico presente.


Tambe un modelo presente lo por ser pinta libremente pa tur hende den un sala banda di foyer. E artistanan professional Gustave Nouel, Chretien Goos y Hayo Snater lo coach e publico interesa caminda ta necesario o desea. Pero tambe publico por djis mira y disfruta di keshi y biña (Frances) durante e anochi promocional aki den ambiente Frances… (a la Montmartre)

Na Kunstcircuit e curso nobo di djamars anochi ‘street-sketching & painting’ pa tur nivel, di e artista conosi GN, lo cuminsa. E prome les lo ta un ‘proefles’ gratis di 19:15 te 21:15, durante ‘Kunstcircuit open’, diamars 10 di September.


Na Deventer caminda GN ta biba, e ta gusta comparti su expertise cu su coleganan artista riba tur nivel y e ta mustra su Arte den tur sorto di exposicionnan. Tambe na Kunstcircuit mes algun di su pintura lo por ser mira den e foyer durante ‘Kunstcircuit open’… E Arubiano professional GN (www.gustavenouel.com), ta duna performance, workshops y/o exposition, tanto nacionalmente como internacionalmente, hopi biaha como un artista specialmente invita.