Dello Gomez: Utilities Aruba N.V. tin cu responsabilisa su maneho na husticia

Desde prome di september 2021 Aruba conoce un Codigo Civil nobo y den esaki, e di dos buki tin un capitulo cu ta recorda entidad legal manera fundacion, asociacion, un NV of un VBA, cu nan tin responsabilidad cu nan accionista of miembro, pa cumpli cu regla stipula den su fundacion. 

E modernisacion di e ley aki ta ofrece hermentnan cu antes no tabatin, segun abogado mr. Dello Gomez a splica diamars mainta ora el a compaña su cliente VWI (Vereniging van Werknemers met een Individueel Arbeidsovereenkomst in dienst van de WEB Aruba NV) pa pidi ministerio habri un investigacion riba Utilities Aruba N.V.

“Den e caso aki,” abogado Gomez a splica cu “VWI como sindicato no ta forma ni parti di directiva di WEB, ni ta accionista; tampoco ta comisario. Dus pa VWI e tres posibilidadnan no t’ey, pero loke si ley ta duna ta si bo ta un interesado; si bo ta un belanghebbende y como sindicato di WEB sigur VWI ta wak cu nan tin un rol den esaki.”

Diamars mainta, secretario di VWI, Michael Lin, den compania di Gomez a entrega na ministerio publico un carta di splicacion hunto cu tur backups (material di sosten). Ta keda awo na ministerio publico pa repasa e material y determina, basa riba nan conocemento huridico, si ta necesario pa pidi Hof apunta experto cu e tarea di evalua si loke Utilities Aruba N.V. ta haciendo ta legal of no. 

Pa e relato completo, lesa edicion di TREMPAN