Pa hopi tempo tur hende a custuma cu un saco di ijs ta costa mas o menos Afl. 3,50 na mayoria supermercado, restaurant of tiendanan rond di nos isla. Tin ta bende hasta un poco mas barata! Pero awe un usuario a keha cu na Hoi Sing Restaurant na Savaneta, nan a hisa e prijs na Afl. 4,50 pa un saco di ijs. Esey riba su mes ta un aumento di 29%, cu ta mucho mas cu cualkier eventual cambio di prijs ultimo dianan aki debi na demanda.
Componentenan pa traha ijs ta awa y na Aruba awa no a subi e ultimo lunanan. Otro componente pa traha ijs ta coriente pa por fria e freezernan y esey tampoco a subi ultimamente. E ora e cliente kier sa a base di kico anto e doño di e restaurant ta kere di por subi un saco di ijs cu 1 florin asina.
E ta lamenta e tipo di abusonan asina y ta comparti’e cu usuarionan di e website di noticia mas mira na Aruba pa hunto clientenan por ta mas consciente di unda pa cumpra pa mas barata y pa tin bista di cua tienda ta mal uza e crisis di Coronavirus pa aumenta prijsnan na un forma descabeya.
