Empleadonan Publico tambe ta sintiendo e aumento di costo di bida. Pesey tin plannan pa sindicatonan acerca of a acerca Gobierno caba pa cuminsa haci peticion pa indexerig den nan salario. Prome Minister Evelyn Croes den un publicacion mes a admiti cu e prijsnan ta subiendo. El a considera e aumentonan aki mas bien como cierto malasuerte. Cambionan cu Gobierno a trece considera como medida ta e causa principal.
Ya caba ta pidiendo reunionnan pa mustra Gobierno cu e trahadonan publico mester di indexering. No sa ainda con Gobierno lo carga esaki. For di fuentenan envolvi, ta papia di dos aña sigui cu tin un inflacion considerabel. Un ahustacion di indexering pa compensa e perdida di poder di compra lo por costa Gobierno riba 20 miyon florin.
Den pasado ora cu MEP tabata goberna e ambtenaarnan a bay caya 7 siman largo pa por a logra un indexering. E tempo ey MEP no kier a reconoce indexering pasobra segun Gobierno, e no tabata un derecho. Tabatin drumimento den Parlamento y tambe tabatin casonan den Corte anochi laat. Mescos tabatin blokiamento di caya etc.
Sindicatonan ta tumando nota cu Gobierno no ta bahando su mesun gastonan y mas bien ta benta tur debe pa pueblo paga a base di medidanan cu a bin y cu ainda falta pa bin. Lo keda pendiente pa mira si lo traha espacio pa indexering pasobra e informacion aki a yega caba na nan oido.
