Directiva di Dutch Caribbean Nature Alliance (DCNA) ta reuni cada seis luna y e siman aki nan a reuni na Aruba. Den DCNA organisacionnan di parke natural di tur seis isla Caribense conecta cu otro y Hulanda ta traha hunto. Parke Nacional Arikok tawata tin e honor di ricibi e reunion e biaha aki.

Den e reunion a palabra entre otro tocante desaroyo pa sigui enforsa e intercambio di experticio entre e parkenan, recauda fondo pa actividadnan uni, y recuperacion di Sint Maarten, Saba y Sint Eustasius. Tambe a papia tocante plannan pa maneha problemanan cu ta afecta ful Caribe, manera e yerba di sargasso of animalnan invasivo manera e boa y lionfish.

Despues di e reunionnan e Gobernador, Minister-Presidente y Minister di Enseñansa, Ciencia y Desaroyo Sostenibel tambe tawata presente pa un recepcion cu DCNA y diferente invitadonan.

Otro aña e palabracionnan lo sigui durante e proximo reunion na Sint Maarten den luna di April.

Comments

comments