Departamento di Cultura Aruba (DCA) ta mira cu teatro na Aruba tin un balor grandi y significante den historia cultura y artistico na Aruba. Ta comproba tur dia ora cu ta mira asina tanto artista hoben, grandi y chikito, ta destaca facilmente pa nan forma y dominio di expresion, capacidad, interpretacion y talento, tecnica y poder creativo. , segun relacionista publico di DCA, Stan Dabian.
Por mira hopi hende cu por ta destaca den e mundo aki. Hopi di nan tambe cu ta bira embahadornan cultural, sea cu esaki en realidad ta trece motibo di ta reconoci y cu ta haci nos orguyoso.
Un cantidad di artista y grupo local dia pa dia ta destaca y cu hopi creatividad y cu originalidad y excelente dominio tecnico, ta briya riba escenario.
Tambe DCA ta mira hopi di nan cu exitosamente ta desfila cu habilidad y experiencia riba disciplina artistico aki, den expresion, den dominio, den nan articulacion, den nan capacidad y composicion musical, den literatura, den baile, den pintura, diseño, den artesania, den arte grafico. Naturalmente den teatro como e disciplina artistico universal y e alma maestro cu pa excelencia cu ta traha libremente sin ningun sorto di estorbo y tur otro disciplina.
Teatro ta e arte caminda tur e otro disciplinanan di arte ta haya bida den dje. Sea cu ta un cantante, sea cu ta un bailado, un declamado, ta un actor/actriz, por hay’e tanto den comedia por ehempel. Tur ta forma parti di e mundo di teatro riba tarima.
DCA su prioridad di educacion di arte y cultura, ta stimula pa medio di proyectonan manera Competencia di Arte di Palabra of Gang di Arte, cu por sirbi como oportunidad pa hobennan descubri y sigui desaroya cada aña nan talentonan creativo y artistico y sigur fomenta e bon uzo di nos idioma Papiamento.
Ta hopi importante tambe pa esunnan cu ta autor di obranan di teatro ora skirbi na obra, pa tene cuenta cu Papiamento. Asina tur ta enrikece y duna amor na nos idioma Papiamento.
Relaciona cu Dia Mundial di Teatro, e premio nacional di teatro tin como grupo meta tur profesional, amateur y amante di teatro, ta habri e oportunidad pa nan ta reconoci pa na trabao y kendenan ta trahando y realisando produccionnan incansabel, profilando asina den e maraviyoso mundo di teatro.
DCA, hunto cu ministerio di Cultura y UNESCO Aruba, pa mas cu 15 aña consecutivo riba dia 27 di maart ta dia Mundial di Teatro, caminda cu ta celebra esaki cu gremio artistico.
Esaki ta unda ta duna balor cu merece na teatro den nos comunidad.
E proyecto aki a nace 16 aña pasa como un actividad mas cerca den e plan di accion di e programa, na 2005 di e seccion di teatro di Instituto di Cultura Aruba di e celebracion di Dia Mundial di Teatro, cu ta realisa riba dia 27 di maart di tur aña.
Ta gradici na e instituto internacional di teatro y e organisacion uni pa e causa di educacion ciencia y cultura, UNESCO, cu fo’i 1961 a crea pa instituto internacional di teatro, e organisacion internacional no gubernamental, di e dominio di arte escenico.
Criterio pa evaluacion ta: pa yega na ta nomina, mester ta un persona of grupo sin ningun clase di distincion, cu a traha y cu actualmente ta trahando riba tereno di teatro y cu nan trayectorio y experiencia, a laga e nomber di Aruba y teatro na halto.
Tur esunnan cu ta artista, grupo, instituto, organisacion, fundacion, asociacion, productor, director, maestro, studiante, tecnico, actor/actriz, comediante, creado, diseñador, escultor, fotografo, critico of cu ta traha den e ofishi aki pa nan trabao, participacion, sea den pasado of actualmente, y cu a aporta grandemente na desaroyo di teatro y cultura na Aruba of internacional, ta bin na remarca na e nominacion aki.
Desde diahuebs, e nominacion aki ta habri cu por entrega e nominacion na departamento di cultura. Nan ta situa den e edificio di J.F. Kennedy Educational Center, den stadionweg 37 banda di Cas di Cultura. Por entrega e peticion pa nomina esunnan cu por haya e premio aki na 2022.
Ta importante pa DCA como artista y como ex-director di departamento di cultura, tin un gratitud inmenso pa Frank Croes, kende ta e artista cu a crea e obra mes cu ta e premio di teatro cu tur aña ta duna na e ganadonan. E aña aki a diseña un obra nobo pa su persona cu yama ‘Alma liber’. Tambe e lo ta entrega durante e anochi di reconocimento di ate oficial, firma pa ministerio di cultura y DCA.
Debi na e pandemia no por a realisa e actividad dia 17 di maart. Esaki lo tuma luga diasabra, dia 8 di mei pa 6’or den Cas di Cultura. Riba e anuncio aki lo conoce e ganado di premio nacional di teatro 2021. Esaki lo ta presenta dilanti di un publico di cantidad chikito di 150 persona den e normativo di DVG y Crisis Team. Pabien na e ganadonan di 2021. ‘Biba Teatro’.
