Davni Roza atrobe presidente di SINBA

13

No ta un secreto cu den Cuerpo di Bombero tin un situacion caotico. Hopi problema tin den Cuerpo di Bombero. Ya caba e miembronan kier atencion pa tur e problemanan existente. E bomberonan kier un sindicato SINBA activo tambe. Pesey mes nan a dicidi di activa y move pa e sindicato haci algo pa nan.

A tene eleccion pa directiva nobo pasobra kier pa e problemanan wordo atendi. Diabierna e eleccion a tuma lugar. A vota pa diferente pocision den e directiva. Na Tanki Flip diabierna anochi a conta e votonan. Un total di 86 miembro di Cuerpo di Bombero a vota pa presidente nobo.

Di e 86 votonan un total di 55 a bay pa Davni Roza. Davni Roza den pasado tabata tin hopi logro pa e coleganan bombero. Hunto cu e directiva nan a logra traha pa material y pocision di e bomberonan. Despues di seis aña di retira y keda pafo di sindicalismo, e miembronan di SINBA a haci un yamada atrobe na Davni Roza pa bin yudanan den e problemanan cu nan tin. Un pabien pa Davni Roza cu e resultado.