David Perez Tejada y Vanessa Vrolijk ta esnan deteni pa abuso sexual di nan yiunan

19094

E caso di abuso sexual di diferente yiu ta algo hopi tristo. E pareha Vanessa Vrolijk di 32 aña y tambe David Perez Tejada di 40 aña a purba sconde pa autoridad pero nan a logra pone man riba ambos awe marduga. Berdad e departamento di Jeugd en Zeden Politie (JZP) a traha basta rapido riba e caso pa asina haci e detencion. E wela, cu ta mama di Vanessa Vrolijk, ta esun cu a haci e denuncia pa abuso contra e nietonan.

A haci e denuncia den e ultimo simannan di Juni. Desde cu e pareha Vanessa y David a tende y sinti cu nan ta den problema, mesora nan a bay sconde. A kita e muchanan for di nan. A pone e muchanan tambe bou tratamento di profesionalnan. E yiunan ta di dos diferente mama. Un di e mamanan a keda deteni cu ta Vanessa Vrolijk. E otro mama a ser menasa dor di David Perez Tejada. Via whatsapp el a menasa e mama cu ta su ex. E ex a haci denuncia tambe di menasa cu e prueba di Whatsapp contra e homber.

E caso ta uno hopi horendo con ainda despues di tur e gritonan cu tin eyfo, tog propio mayornan ta presta nan mes pa abusa sexualmente di nan mesun yiunan menor di edad. E homber David Perez Tejada ta di Republica Dominicana biba na Aruba. Parce e cos aki tin un aña caba andando. Cu e actonan aki bo a kibra full e mucha su bida. Awe nos ta pone e foto di ambos sospechoso pa pueblo mes mira kende nan ta.