Un caso cu a capta nos atencion, ta un curpa di un persona, un pashent cu a wordo manda pa AZV y cu finalmente a fayece na Colombia. Abogado David Kock, a splica cu nan ta asisti AZV cu e caso aki. E ta tuma luga na Bucaramanga, unda cu un persona cu paspoort Venezolano, pero residente na Aruba, ta wordo manda pa asistencia medico eynan. Si ta asina cu eynan, no na e clinica mes, na hotel e persona aki a bin na fayece. E pregunta ta supuestamente su documentacion no ta cuadra completo y eynan na Colombia, si medicina legal, cu ta e departamento cu ta handle ora tin personanan cu ta fayece, su regla ta cu mester por identifica pa nan por dun’e autorisacion pa e curpa por sali for di e pais.

Tin problema cu identificacion, door cu su documento no ta klop, ta pidi pruebanan di fingerprint of record dental of di pia, locual den nos sistema no tin disponibel. Nan ta pidi sino, pa haci un DNA test cu un famia cerca. Den e caso aki, tristemente mayoria di su famia no ta biba na Aruba. E tin dificultad pa drenta den contacto cu nan, pa nan por otorga esey pa nan por haci e testnan eynan. Si ta asina cu dado momento dentro di un periodo no mucho largo mas, esey no logra, loke ta bay pasa ta, cu e persona lo wordo dera na Colombia mes.

Tin manera pa para e situacion, pero mester bin cu un manera pa identifica e curpa. E complicacion di esaki ta, cu ta bezig ta asistiendo AZV. Nan no ta representante di e famia di e difunto, pasobra ta solamente e representante di e famia di e difunto por haci e cosnan. AZV su tarea a caba. E ta un seguro medico, cu ta encera medicina pa hendenan na bida. Una bes cu e persona a fayece, e responsabilidad di AZV a caba. Si nan kier pa yuda pa e curpa bin bek. Den e caso di identificacion, AZV no por logra esaki. Ta e famianan mester por interveni y percura pa esaki sosode.

 

Kico nos por siña

Ta di sumo importancia pa e cuestion di identificacion. Normalmente residentenan di Aruba, nacionalnan Arubiano cu paspoort Hulandes no ta ningun problema. Loke si ta hopi recomendabel ta pa ora personanan ta bay afo pa tratamento medico, percura pa nan tin un seguro cu ta cover tambe e trecemento bek Aruba. Pa evita asina un disputa ken lo carga e gasto ey. Por ta den e momento ey ki complicacion esaki por bin cun’e.