Diabierna mainta Daury Gonzalez a haya su castigo for di Corte. A acus’e di intento di asesinato premedita riba su ex-pareha y maltrato cu arma riba su ex-suegra. Hues a bis’e cu e delitonan aki a keda proba.
“Bo tabatin suficiente tempo pa recapacita for di 3:00 di merdia te casi 10.15 di anochi ora cu e echo a tuma luga”, hues a bis’e. Na momento cu e echo a tuma luga e acusado y e victima tabatin algun luna cu nan a separa. E victima a dicidi di bay biba bek cerca su mama debi cu e homber ta hopi abusivo, jaloers y tin un caracter hopi violento.
Parce cu a trata varios biaha pa convence pa cambia su actitud, pero esaki no a duna resultado. No tin motibo pa desvia di e demanda di 10 aña cu Fiscal a haci. Daury lo bay pensa si e ta apela of no. Pa mas lesa TREMPAN