Dastro y Wichi a dedica cantica pa beursalen

1005

Aruba ta un isla conoci cu tin hopi talento y p’esey nan ta bay afo pa sigui crece den e mundo di entretenimento. Dos artista local y hoben a lansa nan cancion nobo titula “Pa mi Isla.” E cantica aki e artistanan aki a dedic’e na tur beursalen.

E cantica “Pa mi Isla” ta un original di David “Dastro” Castro, kende ta conoci den e mundo di futbol di Aruba y ta hunga p’e team di Britania. Castro ta canta e cantica cu e artista local Wichi. E duo aki ta miho conoci como e duo local “Wichi y Ty”.

Nan a saca un video di e cantica y tur hende por haya esaki riba YouTube https://www.youtube.com/watch?v=a4fMBvKU6V0 y tambe ta obtenibel riba Spotify y Apple Music. A graba na diferente parti di Aruba, pero door cu ta dedica na beursalen, a inclui diferente video di preparacion y ora cu e studiantenan tabata bisa ayo pa bay Hulanda. E cantica ta papia over cu esnan cu ta biba na Aruba por biaha pa tur caminda, pero aki na Aruba semper lo keda biba.

Tanto Dastro como y Wichi ta contento di por a traha e cantica aki. Nan ta gradici na tur cu a manda nan video na momento cu nan mester a biaha pa bay sigui studia afo. Jonathan Petit tabata encarga cu e grabacion y haci esaki cu yudansa di Elai Petronia, Armando Goedgedrag y Edrick Krozendijk. “Sigur algo hopi great pa tur hende, pasobra nan por a graba nan mes for di unda nan ta bin, esta Aruba,” nan a express.