Darren van Ommeren, presidente actual di Stichting Maneho di Aruba su Carnaval (SMAC), tin e posibilidad di keda den su funcion pa cinco aña mas. Esaki ta debi na un cambio den e Statuut di SMAC, unda a stipula cu e presidencia ta dura cinco aña. Inicialmente, Van Ommeren a sinta dos aña, pero Raad van Toezicht a pidi’e pa keda un aña mas pa cumpli cu e Statuut bieu. Cu e Statuut nobo, e por postula su mes di nobo, pero ta keda na e directiva pa dicidi si nan ta vota p’e keda.
Preparacionnan pa Carnaval 2025 ta den pleno swing
Van Ommeren ta bay tuma un descanso di dos siman, y despues lo cuminsa cu e preparacionnan pa Carnaval 2026. E aña benidero, Carnaval lo ta mas cortico, cu solamente seis siman di duracion. Pa 2026, e fechanan ta programa di 2 di januari te cu 20 di februari. SMAC ta trahando duro pa organisa tur actividad, sin laga ningun afo. E gruponan cu a participa den parada a ricibi reconocemento, y depende kico resta despues di haci tur pago reparti e fondo restante entre nan.
Pago di festival y otro actividadnan ta andando
SMAC ta bezig cu e pagamentonan di e festivalnan. Pa Festival di Tumba, lo haci e pago e siman aki. Mayoria participante a ricibi nan premio, y aworaki ta wardando riba algun cuenta di banco pa por haci e transferencianan. Van Ommeren a termina bisando cu tur cos ta bayendo bon.
Pa mas detaye lesa TREMPAN.
