E evento KES the Band, Pure Madness, hunto cu Soca Society lo mester a tuma luga diabierna, 30 di November. Pero pa motibo di salud di KES, e evento a wordo posponi.
Ta buscando un fecha pa e proximo aña, mirando cu pa December no lo ta posibel mas pa e evento di Pure Madness.
KES, conoci como Kees Diefenthaler, a sufri un kebrante di salud na Trinidad & Tobago.
Segun promotor di e evento, Darren van Ommeren, su apendix a rementa y pa e motibo aki mester a drenta den sala di operacion diahuebs tardi, cu na e momentonan aki ta bezig ta wordo opera pa por salba y pone su situacion stabil door di e infeccion di e apendix den su sistema.
Pa e motibo aki mes, e banda completo no por tey diabierna mas presente den e evento di Pure Madness. Y ta p’esey tin cu pospone esaki te cu 2019.
Esnan cu tin nan ticket
Tur hende cu tin nan ticket, pa wanta esaki bon duro. Ward’e un caminda. E evento ta bay door. Unico cos ta cu door di e kebrante di salud di KES, esaki ta tuma dos pa tres siman di recuperacion.
Esey ta haci cu cancelacion pa su presentacion na Aruba, na Trinidad mes, otro siman na St. Kitts, ta wordo posponi. Den nos caso, tin un fecha den mente. A manda un email pa e manager pa por pidi e fecha tentativo cu tin den mente. Manera cu nan confirma esaki, lo haci esaki publico di e fecha nobo.
E fecha
E manager di KES a laga sa pa duna un chens, ya cu nan kier termina na e momento aki cu e operacion di KES, pero manera cu e ta na cas, lo confirma e fecha. Si logra haya sa esaki diahuebs tardi ainda, pa mañan diabierna lo anuncia esaki den un rueda di prensa pa henter pueblo di Aruba.
Te na e momentonan aki, e ta bay keda na e mesun luga. E fecha cu tin den mente, tur promocion y tur cos mester ranca sali mesora bek. Pa e promotornan, e peticion lo bay ta pa e keda na San Nicolas.
Benta
E benta tabata super bon segun van Ommeren. E espectativa pa presentacion di KES ta haltisimo na Aruba. Ta p’esey ta papia di un evento cu lo tabata tin na e momentonan aki 2000 ticket riba caya te cu awo. E tabata un evento super exitoso cu lo a tuma luga diabierna. Pero e fecha nobo cu tin den mente, lo bay ta super mas grandi otro aña.
