Parlamentario independiente Daphne Lejuez a manda un carta pa Presidente di Parlamento Juan (Ady) Thijsen den cual e ta informe di tin un serie di pregunta pa minister di Salud Publico Danqui Oduber.
Tur e preguntanan ta relaciona cu un serie di nombramento cu e mandatario lo a haci den of pa traha cu AZV. Asina por ehempel e ta puntra si e nombramentonan ta prome of despues cu e director di AZV a bay. E ta papia di e personanan tuma pa haci transporte di pashentnan di Dialyse.
E ta puntra pa veracidad di e informacion encuanto e personanan nombra y si e contesta aki nan por hay’e por escrito. Y si e ta un decision ta di Conseho di Minister y si esaki e caso un copia di e dia y con a tuma e decision.
Loading…
Reload document 
Open in new tab E ta pidi tur informacion relaciona cu e personanan aki, e funcion cu nan tabata ocupa, pa ki tempo nan a bay over, y si na nan luga cu a keda vacante tin hendenan nobo cu a wordo tuma, y kico nan tabata haci prome. E ta menciona e traslado ta mas o menos 25% di e capacidad di e cantidad di personal y kier sa con e mandatario ta bay soluciona esaki.
Si no tin mester yena e vacaturanan aki bek, e ta bisa por conclui cu nan trabou no tabata esencial tampoco.
Den e carta cu ta compaña e articulo aki por lesa tur e preguntanan cu el a haci na e mandatario
