Ta parce cu e erornan den maneho no ta stop y awe mainta miembro independiente di parlamento, Daphne Lejuez, a manda un carta pa presidente di parlamento y cu copia pa gobernador, relaciona cu mandamento di carta den nomber di parlamento sin informa e parlamentarionan prome.
Parce cu a manda carta pa gobierno y pa gobernador, relaciona cu e mocion di desconfiansa contra minister Marisol Lopez. Normalmente lo mester tene un seniorenconvent prome, den cual e lidernan di fraccion ta reuni y dicidi riba e carta y su contenido. Esey no a sosode e biaha aki.
Lejuez den un carta pisa na Ady Thijsen ta cord’e riba su responsabilidad y ta pidie copia di e cartanan aki mesora. E parlamentario independiente a copia gobernador tambe den su carta di denuncia, pa e maximo mandatario sa cu e carta cu el a haya di Thijsen no ta conta cu sosten di tur miembro di parlamento.
