Daphne Lejuez (MEP): Cobra Turista Verkapte Belasting pa cubri gasto di AruParking

"Gobierno tin un plan pa Aruparking, y special pa tur auto di huur, esta V-auto", esaki gobierno a publica recientemente den un matutino local.

Esaki ta sin considera cu ya caba e sector turistico ta ser cobra un environmental levy cu te
ainda no tin claridad unda e fondo aki ta wordo aloca … (e ta bayendo realmente pa medio
ambiente?), na unda car rentals actualmente ta cobra e turista $1.00 pa dia pa cada car rental y hotelnan ta cobra $3.00 pa dia pa cada camber di hotel.
Awor kier propone pa cobra e mesun turista por medio di e carrentals un fee adicional di
$1.00 pa dia extra riba nan fee di huur, pa asina paga pa AruParking, poniendo e
responsabilidad di cobra cerca e car rentals cu ya caba ta operando den un mercado basta
competitivo. Mientras ‘paid parking’ no ta un fenomeno straño pa hopi turista, cobrando nan
pa algo cu kisas nan lo ni opta pa uza ta husto?

Cu esaki gobierno ta papiando tambe di amplia e area di parking paga pa e sector di hotelnan
tambe, cu lo no ta un desaroyo deseabel pa e turista, pero tampoco pa esnan cu ta bishita of
labora den e area di Palm Beach.
Un grupo grandi di companianan di car rental a comunica cu gobierno por escrito rechasando
e propocision aki mirando su posibel efecto negativo pa cu e turista y cu ta trata aki mas bien
di un "verkapte belasting", muy en particular si considera cu lo ta cobrando pa algo cu kisas e turista lo ni uza of te hasta sin por garantisa cu lo por haya un lugar di parkeer ya cu e ta pauzo publico. Car rentals ta percura pa informa e turista cu mester paga pa parking den centrodi ciudad, pero ta sinti cu e escogencia mester por keda na e turista si e lo haci uzo di e “paid parking” of no, enbes di cobra esaki adelanta sin mas.

Sinembargo, recientemente por a bolbe scucha gobierno ta papia encuanto e plan aki na
radio, pues pa turista paga adelanta pa parking, pa por cubri gastonan di AruParking y cu lo
kier pasa e decision aki via parlamento a corto plaso. Kisas ta bira ora pa revisa e proyecto di
AruParking den su totalidad y admiti cu e implementacion a laga hopi di desea prome cu bay
pone e peso riba nos turista y carrentals cu ainda mas fees/verkapte belasting? E lo ta un
proposicion cu ta lanta hopi preocupacion y pregunta mirando nos mercado turistico actual cu ya caba ta haya cu Aruba ta bira dia pa dia mas caro.