E Toyota Agya ta sumamente popular cerca hobennan, manera Daniel Linscheer, di 28 aña di edad, kende a mira e auto staciona den caya, y el a namora di biaha. Su mente tabata geset caba. Cu ayudo di e team dinamico di Garage Cordia, el a logra haya su Agya y e ta sumamente contento cun’e.
Un auto bon bendi
Alvin Thijsen di Garage Cordia, a comenta cu Agya ta un auto super economico pa cual ta fuel y e ta super bon bendi.
Pa motibo di e prijs tabata tin un promocion cu nan a haci riba Black Friday. Mayoria di e autonan cu nan ta entrega, ta esnan cu a haya aprobacion di Black Friday.
Cu tur esaki, e Agya ta un di e bestsellernan, despues di e Toyota RAV4.
E prijs di Agya
Awor aki e Agya ta costa 28675 florin. Awo tin un campaña nobo bao di kerstboom, unda cu bo ta coy un regalito, y bo ta scoge un descuento of un cashback. Bo por bay te cu 5 porciento, cual ta casi 2000 florin riba e Agya, cual ta fantastico. Ta bah’e bek casi na e mesun prijs di e Black Friday cu a organisa algun siman atras.
Comportacion den fuel
Den fuel e ta un auto hopi economico, pa motibo cu e ta un auto di tres cilinder. E tin un tanki di mas of menos 30 liter y e ta dunabo mas of menos 450 pa 500 kilometer, riba full tank, depende con bo core. E tin su sistema ecomode, bo ta bay ta bezig ta spaar gasolin.
Auto Night na Garage Cordia
Awe tabata e comienso di Cars Night caminda cu un y tur por a bin tira un bista di tur e Toyotanan cu nan tabata tin den showcase. Esaki ta inclui e Toyota Agya, e Rush, Hilux y asina nos por keda menciona.
Joylene de Nobrega a comenta cu e Auto Night a bay hopi bon y tabata tin hende caba a busca nan regalo bao di kerstboom, unda cu a unda cu a duna cashback entre 3 y 5%.
Tambe por a haya e Toyota Burger traha exclusivamente door di Local Store.
No lubida, e Auto Night aki lo ta tur diahuebs, te cu dia 20 di November, te cu 9’or di anochi. Asina ta, pasa cualkier dia den siman of tambe durante di e Auto Night y bin testdrive bo Toyota preferi. Asina bo por habri bo aña nobo cu un auto nobo nobo.
