Den historia di pais Aruba nunca nos a mira tanto corrupcion manera durante gobernacion di gabinete Mike Eman 1 y 2. Na e momentonan aki tin henter un ministerio sera, tin secretaria sera, tin bode sera y tin penningmeeester di fundacion sera.
Ayera a tuma lugar otro detencion caminda a detene casa di coordinador y man drechi di Benny Sevinger. E coordinador aki ta man drechi di dinastia Eman y e ta un TOP di partido AVP! Mike Eman a tolera y a coopera cu bendemento di permiso, dunamento di ontheffing y bendemento di tereno cu ta patrimonio di pueblo pa 8 anja largo. Mike Eman ta esun finalmente responsabel y culpable pa TUR e corrupcion cu ta tumando lugar den gobierno. Nunca antes ministernan di MEP a wordo deteni. Nunca antes tawata tin henter un ministerio sera. E grado di corrupcion riba nos pais a suprasa tur limite. Un gobierno asina NO merece confianza mas di e pueblo
votador. Nos kier mira gobernantenan integro, nos kier mira gobernanten serio y responsabel cu no ta usa e poder cu pueblo a duna nan pa enriquece nan mes loke ta pasando na e momentonan aki,. AVP a haya e poder y a traiciona su pueblo y a yuda nan mes y nan grupito. Nos kier un gobierno transparente, un gobierno cu ta trata tur hende na mesun manera. Na cas nos tur ta wordo sinja cu horta ta malo. Nos tur ta wordo lanta cu norma y balornan hopi halto y ta netamente esaki nos kier mira den nos gobernantenan. Ta lamentabel pa mira con nos pais a wordo corrumpi y ki ehempel e gobierno aki ta dunando na nos muchanan y nos hendenan.
Nos pais tin e escogencia dia 22 september 2017, sea ta scohe pa un partido serio, responsabel y integro of ta scohe pa un partido cu a demostra di ta uno irresponsabel, no ta integro y ta corrupto. E escohencia ta hopi cla, e ta den man
di pueblo si e kier mira gobernantenan cu por duna ehempel na nos communidad y ta integro. Nos pais su bon nomber ta wordo danja y atacha pa e gobierno aki.. Ainda tin ministernan cu mester wordo investiga y sera pa tur loke nan a haci cu e pais aki. Tin ministernan cu ta complice den bendemento di tereno di Leoncita Arends. Ministernan cu ta complice den bendemento di permiso y ainda nan kier pidi pueblo 4 anja mas. AVP a haci hopi danjo na nos
pais, nan e destrui nos pais y nan a corrumpi nos pais. Ban hunto trece e cambio cu e pais aki merece. Nos mester sinti nos mes liber den nos consenshi pa vota pa cambio, nos mester
sinti nos mester sigur di e cambio y ban hunto vota pa e cambio dia 22 september 2017. Aruba merece un gobierno digno di confianza di pueblo! E riesgo pa vota AVP ta demasiado grandi pasobra e corrupcion NO lo STOP!
