Kickboxer di peso pisa D’Angelo Marshall di Corsou a derota e Checo Daniel Skvor pa Knockout den e di tres buelta.
Esaki a sosode durante di un pelea diasabra ultimo, 9 di Maart na Glory 65 na Strasbourg, Francia. E prome trainer di D’Angelo Marshall tabata Dennis Rock na Rock Gym Zaandam.
Awo e ta train pa mas di dos aña caba bao di supervision di Mousid Akhamrane na Mousid Gym Amsterdam, unda cu e ta train cu e miho training/sparing partners mundial manera Roal Mannaart, Mourad Bouzidi, Redouan Cairo, Hesdy Gerges, Denise Kielholtz y hopi mas.
D’Angelo ta representa e bandera di Corsou cu tur honor riba e plataformanan di mas grandi di kickboxing.
