Mi bida a cambia completamente. Esey ta loke cu Dana Garcia, Miss Universe Aruba a comenta prome cu el a biaha pa Atlanta, Georgia, pa asina e representa Aruba den Miss Universe.

Dana Garcia a sali pa Atlanta pa representa Aruba den Miss Universe

Dana Garcia a sali pa Atlanta pa representa Aruba den Miss Universe https://24ora.tv/33yXFB4

Posted by 24ora on Saturday, November 30, 2019

Dana ta conta cu e tabata tin tres luna di preparacion extensivo despues cu nan a coron’e como Miss Universe Aruba na augustus. Tabata tres luna di trabao duro, di les di cabey, les di makiyahe y otro cosnan cu mester siña. Tabata un hornada hopi bunita y ta hopi gradicido di e hendenan cu tabata rond di dje cu a yud’e den e tres lunanan aki, pa asina e por a sinti prepara pa e por a biaha y duna lo miho di dje na Atlanta, Georgia.

Dana ta sinti su mes cu Dios ta pone e hendenan den su caminda cu pa e logra e metanan cu e ta logra, e ta sinti’e gradici y ta e persona mas contento, pa e bay representa su isla cu a dun’e asina hopi oportunidad, cu p’e no tin un otro regalo mas grandi esey.

Dana su bida a cambia. Semper el a modela, pero despues e mester a representa y calga e titulo como Miss Aruba ta un responsabilidad hopi grandi cual el’a tuma como hende muh’e. El a crece como persona y e ta kere cu despues di Miss Universe, e lo sigui crece tambe.

E ta comenta cu e reto aki sigur ta un oportunidad pa e sigui crece como modelo, sigui crece como profesional.

Dana ta studiando enfermeria na hospital y sigur esaki lo yud’e hopi. Dana ta hopi contento di por bay pa e certamen aki pa e logra su meta, cual ta gana e corona universal.

Mensahe di Dana pa tur hende ta pa nan kere den nan mes. Traha super duro pa bo soñonan, pasobra si bo confia den bo mes y den Dios bo por logra tur tur cos.

Comments

comments