Damanan di placer sumamente rabia cu nan no por traha nan placa

8684

Mayoria di e damanan di placer na San Nicolas ta di Colombia. Diferente di nan a expresa cu nan ta basta desapunta cu e situacion actual, mirando cu casi nan no por traha, pa asina nan por haya entrada. Entrada cu nan tin cu paga nan gastonan diario, pero tambe entrada di placa cu nan por manda pa nan famia cu ta depende di e trabao cu nan ta eherce, cual ta e trabao di mas bieu di mundo.

Den e combersacion cu e damanan, a duna di conoce mirando cu tin e Toque de Queda for di 9’or di anochi pa 6’or di marduga, esaki ta orario cu mayoria di nan ta traha nan placa. Aunke un poco mas prome cu esey, a cera e diferente barnan, toch e orario cu nan por tabata habri tabata hopi limita unda cu esaki ta haci cu nan no por haya e entradanan necesario.

Un otro aspecto cu a combersa cu e damanan di placer ta e parti di salud. Tanto actualmente como tambe algun dia anterior, na unda cu tabata preocupa den ki forma naturalmente nan ta proteha nan mes pa posibel clientenan cu kisas lo por ta infecta. Den e caso aki algun di e personanan a bisa cu nan no ta traha mes y otronan a bisa esunnan cu ta traha, ta purba di haci e precaucionnan necesario.

Damanan di placer sumamente rabia cu nan no por traha nan placa

Damanan di placer sumamente rabia cu nan no por traha nan placa. Click e link pa mas https://24ora.tv/3an522F

Posted by 24ora on Thursday, March 26, 2020

Algun di nan tabata tin mondkapje pa asina proteha nan mes na momento cu nan ta intimo cu un cliente.

Comments

comments