Un dama Venezolano a tuma contacto cu nos redaccion p’asina comparti su disgusto cu entre otro Polis y Guarda nos Costa na momento di trata personanan indocumenta.

T’asina cu e persona aki ta conta cu e ta biba riba nos Isla y ta casa pa mas di 4 aña caba. A pasa cu na varios ocasion e ta keda para pa Polis y/o Guarda nos Costa pa asina pidi su papelnan pa verifica cu e ta legal. A yega di pasa hasta cu e la keda deteni pa un anochi na momento cu e no tabata tin su documentonan cun’e pa demostra cu e ta legal. Na e ocasion ey su casa a pasa anochi compañand’e na e parti pafo di e edificio.

Ta su disgusto y opinion cu e kier trece dilanti na momento cu el a tuma nota di e suceso di supuesto secuestro/ robo cu a tuma luga diadomingo anochi den area di noord. Segun e por compronde cu den e suceso aki lo a haya 9 muhe ilegal y pa su sorpresa nan ta pidi nan unicamente nan cedula. No a pidi paspoort ni tampoco a yama Guarda Nos Costa pa bin atende cu e damanan aki. Den su bista lo ta trata di un discriminacion na su persona mirando cu e damanan aki lo ta super bunita y lo tin tur e polisnan “In Love” cu nan ta haya trato preferencial.

Den su bista e ta un inhusticia pa e muhenan cu no ta bunita y ta mustra cu e polisnan tin falta “ de Bolas” pa atende cu incidentenan asina, ora ta trata di muhenan bunita. Tur ta namora y lubida nan trabou.

Comments

comments