Diasabra, algo pasa di 9’or y 35 di mainta, un dama a presenta na cas di su ex amigo y a cuminsa agredi su pareha na un cas situa na San Miguel.
Na momento cu polis a yega na e sitio, unda cu a papia cu e dama agredi, el a declara cu e ex di su pareha a presenta na e sitio y a bati’e cu un bat riba su lomba y a dal’e cu mokete den su cara. E dama a wordo conseha pa bay recherche pa asina haci un denuncia contra e ex di su pareha.
