Diadomingo, pa mas of menos 7’or y 25 di mainta, a tuma luga un accidente basta serio riba e caminda principal di Bubali. Tanto polis di trafico como patruya di Noord a presenta na e sitio y a bin topa cu un Toyota Corola, cu lo mester a ranca un palo di luz completo cu su tansformer.

Polis a atende cu e dama chauffeur di e Corola, kende a conta polis cu e tabata bayendo direccion su cas ora cu na dado momento el a pega soño tras di stuur. A pidi presencia di Elmar pa asina atende cu e palo di luz, mirando cu e coriente tabata basta halto riba e kabelnan aki. E dama no tabata kier a haya asistencia di ambulance. Daño material tabata considerabel.

Comments

comments