Algo pasa di 6’or di diadomingo atardi riba e caminda di Turibana, un dama chauffeur den un Dodge Neon, color berde, numera A-58695, a haya blackout tras di stuur, baha caminda, dal riba un palo di luz y kibr’e den dos. E palo di luz tabata tin un transformer riba di dje, caminda cu e wayanan di coriente di halto voltahe tabata tira chispa di candela. E dama a wordo poni banda di e hardware store pa asina e waya di coriente no cay riba dje. Ambulance a presenta na e sitio pa asina atende cu e dama, pa despues a transporte pa hospital. Personal di Elmar tambe a presenta na e sitio pa asina wak e situacion y pa kita e coriente for di e palo di luz aki, pa asina evita lo peor pasa, mirando cu ta trata aki di wayanan cu ta di un voltahe halto di coriente. Brandweer tambe tabata presente pa asina saca e dama for di e auto y hale pone otro banda di caminda. Ora polis di trafico a presenta nan a cuminsa check kico exactamente a sosode na e sitio. Un famia di e victima a conta polis, cu ta trata aki di un nieta di dje y cu e lo a haya un blackout tras di stuur, cu e consecuencia cu el a bay na man robes y dal den e palo di luz. Elmar a kita e koriente for di e palo pa asina cuminsa cu trabaonan necesario pa asina e bario haya coriente bek mas pronto polisbel. E auto no tabata tin ningun papel na ordo. A manda pidi un takelwagen pa asina transporta esaki pa warda di Balashi.

Comments

comments