Dama sospecha den atraco deteni na Madiki Kavel

Pa varios dia caba a tuma nota di teamnan special di Polis moviendo den un manera hopi tactico y scondi den e area di Madiki Kavel. Nos a haya varios yamada for di dialuna caba cu ta nota varios movecion straño den e area. Un investigacion den oranan laat di anochi caminda cu autoridad tabata vigila e area pero niun hende tabata sa dicon. Dama sospecha den atraco deteni na Madiki Kavel

Diabierna mainta a bay over na tira un inval ariba un cas den Caya Frere Servatius y a detene un dama. Parce cu den e mesun area aki, tabatin un auto cu recientemente tabata victima di ladronicia den area di hotelnan riba high rise. A encontra e dicho auto serca di e cas cu a tira inval. Esaki tabata un di e motibonan pakico ta sospecha e dama pa ta envolvi of a yuda cu un atraco arma riba un negoshi di joyeria.