Dama riba scooter a dal den buraco hundo y accidenta

Diaranson atardi algo prome cu 5’or a sosode un accidente na altura di Amsterdam Manor. E turista ta di bishita riba nos isla cu barco crucero. E tabata un scooter di un compania di huur.

E turista riba e scooter tabata riba e caminda cu ta cera, na momento cu net dilanti di e dicho hotel el a dal den buraco basta hundo. E caminda aki tin un baricada cu ta indica cu no por sigui. Pero e no a haci caso di esaki.

Segun testigonan: ta varios bes hende ta cay cu scooter na e buraco aki. E turista a ricibi sla na pia. Basta rasca y tabata sangra. Ambulance a presenta na sitio pero el a nenga nan servicio, Polis a transport’e bek pa Waf caminda cu e lo pidi asistencia medico riba barco.