Diadomingo, algo pasa di 4’or y 15 di marduga, patruya di Playa a para un Chevrolet Blazer shinishi, numera A-26266, na altura di e rotonde di Santa Helena. Na momento cu polis a bay controla e auto, nan a bin topa cu dos dama habla Hispana, pata pata burachi. Mesora polis a atende cu e chauffeur y a pidi’e pa baha for di auto. E dama no por a para riba su pianan. E chauffeur a resisti, ora cu polis a bay pa detene, pero na un manera tactico, polis a logra pone na boei. Mientras cu e chauffeur a wordo hiba warda, unda cu lo a presenta dilanti fiscal auxiliar y haya un cuarto gratis pa e por saca su wayaba, e otro dama a wordo hiba su cas. Casi sigur e chauffeur lo lanta cu un dolor di cabes, cu e lo a desea di a laga e bebida den su boter.
