Dama parce droga kier a likida un cacho na Tanki Flip

Algo prome cu 11or di anochi, na un cas na Tanki Flip doño di e cas a scucha un grito manera tin un persona ta maltratando un otro persona.

Mesora e doño di e cas a yama polis. Den un frega di wowo Polis a yega na e adres menciona y ora a bay chek kiko ta pasando, a bin nota cu un muhe mal droga tabata bezig ta purba di corta un cacho su garganta afo cu un cuchio di corta carni. E cacho a logra scapa for di e dama agresor y polis a handle cu e dama cu tabata parce droga segun Polis.

A detene mesora a pidi presencia di transport wagen pa asina hibe pa warda di Shaba. Polisnan tabata tin man duro contra e dama pasobra cu e dama tabata agredi varios di e polisnan cu tabata papia cune. Despues di basta lucha a logra domina e dama y hinke den e transportwagen.