E controlnan di Polis ta continua. Esey tabata parti di e proyecto di e Polis di Barrio na Oranjestad. Durante oranan laat di atardi a logra para un of mas auto riba e caminda dilanti Bestuurskantoor. Durante e control aki a logra detene tambe dos persona. Un homber cu tabata stuur un RHD sin rijbewijs y un dama cu a admiti mesora na polis cu e ta illegal na Aruba.
E homber a hunga e wega cu e tin rijbewijs, djey a bisa cu e ta den e tas. Diferente version pa finalmente bisa cu su rijbewijs di Venezuela tan a Venezuela. Asina mes el a sigui purba bisa Polis cu tata ta Hulandes di Curacao pero e mes ta di Venezuela.
Un bruhamento total. Polis a bise cu nan no sa cual di su storianan ta berdad. A confisca e auto. A confisca otro autonan tambe durante control. E homber sin rijbewijs y e dama illegal a bay warda den dogcatcher. Na warda lo sigui busca mas leu.
