Un dama cu tabata stuur un Blazer fia a accidenta. E tabata riba e caminda patras di Citgo Palm Beach direccion Monserat. Pa un descuido desconoci e chauffeur a bay den robes y ora e kier a trece e auto bek a perde control y bay den scual. E no por a controla e auto mas.
A slip y den scual a bay bek na man drechi. Djey e auto a bira 180 grado baha caminda y medio bolter keda riba e banda di chauffeur. Prome instante a kere cu e chauffeur tin un baby den auto. Ambulance tabata t’ey mesora y polis tambe. A haya e dama sinta patras di e auto.
Paramediconan a yud’e y controle den ambulance. Djey a hib’e hospital. Su mama a presenta y tambe a sigui e ambulance pa hospital. Un otro conocir a presenta y atende cu e auto. E auto a keda riba un tereno habri yena cu santo. No a causa daño na tercera. E mester carga e gastonan su mes pa drecha e auto. Danki Dios e no tabata hopi herida. Logicamente e susto si ta fastioso.
