Dama chauffeur herida den accidente serio na Arashi

Diabierna atardi pasa di 3or a sosode un accidente basta serio riba e caminda di Arashi. Un daman a stuur di un Mini Pajero a keda herida pega den e auto.

Algun hende cu a bati alarma a trata na calma e señora den un pocision malo den e auto tur di banda. E tabata bay trabou y a perde control bolter den e birada bayendo Nort pasando e Beach di Arashi. Net pabou di Lighthouse. Polisnan cu a yega a pidi pa ekipo di rescate cu ya caba tabata na caminda.

Mirando e situacion cu e dama herida tabata, pa evita mas peliger pa su curpa, Polisnan a bay den accion di rescate. Den forma tactico a cuminsa trata na libera e victima.

Dos Polis a bula den e auto despues di habri e porta di pasahero. Asina a los e señora for di e pocision malo cu e tabata aden. Su pianan tabata pega masha mahos y e mes a bisa cu e no tabata por mas. Finalmente hunto e Polisnan a logra lanta e señora y sake for di den e auto y lage drumi den banda di e auto.

Bomberonan a yega y los cabes di bateria pa evita cualkier corto circuito. A tene e porta habri mientras ta warda ambulance. Bomberonan a busca parti di nan ekipo y asina sconde e solo cayente pa no causa daño na e victima. Finalmente paramediconan a yega y asina nan a yuda e victima bay cune hospital. Polis y tambe haci nan investigacion.

Accidente serio na Arashi: Cuerpo di rescate di Cuerpo di Bombero, Polis y Ambulance a saca chauffeur femenino cu a keda pega den SUV cu a bolter riba e caminda entre Arashi y California Lighthouse. 24ora.com tabata BIBO cu tur informacion y imagen for di e luga di sucedido.

Posted by 24ora on Friday, March 1, 2019

Despues Bomberonan y Polis hunto a logra pone e auto bek riba su wielnan. E casa di e victima a keda di regla e takelwagen pa hiba e auto y busca drechi di su casa na Hospital.