Dialuna a sosode un agresion formal contra un dama na man di un homber cobarde cu a ataca/ choca e dama aki pa asina exiginan pa sali di e cas cu nan a huur pa weekend.
Un situacion serio a surgi dialuna merdia na momento cu e propietario/ representante di Compania Casa Mia a presenta prome cu ora di check out y exigi pa e personanan cu a huur un cas pa fin di siman sali mesora y bandona sitio. E dama, su pareha y algun compañante mas tabata presente na e momento ey. E dama a bisa e propietario cu nan ta bezig ta piki nan pertenencianan y manera palabra pa 12:00PM nan lo ta for di e propiedad.
Pa sorpresa a tuma nota cu e homber a bay direccion di e dryer y saca tur paña y benta esakinan riba vloer rond. Mesora a cuminsa un reclamo pero esaki no a haya chens di duna efecto mirando cu e homber a bin riba e dama, dal’e un mokete den su cara y pasa na choca e dama den choke hold agrediendo e dama formalmente.
E pareha d e dama a mira e agresion tumando luga y a bay mesora na defensa di su pareha. Demas testigo no por a kere locual tabata tumando luga y cu e persona aki ( di habla spaño ) a haci. El a vocifera enfaticamente cu niun hende por hacie nada paso e ta hende di placa / tin conexion y nada lo pasa cu ne.
Segun e localnan cu a huur e localidad aki pa weeekend, e observacion cu nan a duna e propietario cu tin glas den e pool no lo a cay den bon tera. Un bishitante a corta su pia den e pool cu glas kibra y a yama avisa e persona aki, como tambe algun detaye manera entre otro cu e cas tabata sushi na momento cu el a entrega esaki.
E homber den su defensa a bisa cu e no ta gusta huur hende local pasobra nan ta porco y cu nan ta paga den florin cu no ta cumbini su persona. P’esey e no gusta involucra su mes cu Arubiano.
A yama polis pa asina pone denuncia den su contra y ta spera cu husticia cay pisa riba e agresor aki pa asina e arepenti y siña di e acto baho cu el a comete riba un dama.
